شيرين عبد الوهاب عن حسام حبيب : لازم أروح اتعالج من آثاره عليا

كشفت الفنانة شيرين عبد الوهاب كواليس خلافها مع طليقها الفنان حسام حبيب فى مداخلة هاتفية مع الإعلامية "لميس الحديدى" فى برنامج "كلمة أخيرة"، وقالت: حسام سرق العربية من قدام البيت.. سرق العربية مستغلا تواجدى فى الساحل.. أنا خرجت من الجوازة دى بالوكسة والحسرة.. دا إنسان خطر، لازم أروح اتعالج من آثاره عليا".

وأضافت شيرين عبد الوهاب: "كنت متكفلة بمصاريف بيته التانى (بيت والدى حسام حبيب) .. طول عمره ما بيشتغلش ، وأهله باصين لى فى كل حاجة.. لو عملت أغنية ناجحة أمه هتقول اشمعنى ابنى.. حسام حبيب عاطل بالوراثة".

وكانت الفنانة شيرين عبد الوهاب قد أكدت أنها لن تنسى سؤال العديد من الأشخاص عنها فى أزمتها، ومنهم الإعلامية لميس الحديدي والفنانة ياسمين عبد العزيز والفنانة منة شلبى، متابعةً أنها تعلم جيدًا بوجود مشاكل أهم من مشاكلها الشخصية لدى المواطنين وبدأت تشعر أن موضعها "بوخ".

وقدمت "عبدالوهاب" خلال المداخلة الهاتفية اعتذارها إلى الجمهور على الهواء، قائلة: "عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبحبهاش".

وسألتها "الحديدى" عن ما كذبت بشأنه لترد الفنانة: "كدبت في حاجات كتيرة أوى لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عنى وأخلص منه".

وتابعت شيرين: "أنا ست قاعدة في أمان الله مع بناتي، بقالنا 4 سنوات شايفين الويل، سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي، ومكناش بنخرج ومكناش عايشين تقريبًا والبنات مكنوش بيعرفوا يقعدوا معايا، لأني كنت عايشة مع زوج مش بيشتغل تقريبًا، وكنت محبوسة 24 ساعة في أوضة نومي مش بعمل حاجة، قاعدة بس، وأنا غلطت في حق نفسي، وكنت فاكرة أنى بحافظ على بيتى لكنى اكتشفت أنه ما كنش بيت، كانت عيشة فئران أو مصيدة أنا كنت زى الفار اللى بيدخل المصيدة ياكل حتة جبنة".

وأضافت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، ومع ذلك فضلت جمبه، وهو لا يعرف إلا فكرة حب الامتلاك، وصبرت لأنى كنت بحاول أنجح الحب ده ومكنتش بحب اتهزم وأنا بطبعى أكون خدامة الرجل اللي أعيش معاه".

About admin

Check Also

مصرع شابين في حادث تصادم على طريق بركة السبع في المنوفية (صور)

المنوفية – أحمد الباهي: لقى شابان مصرعهما على طريق "بركة السبع / مليج"بمحافظة المنوفية، خلال …

Leave a Reply

Your email address will not be published.