سكربت عوض الله الجزء الأول

سكربت عوض الله الجزء الأول ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
يا أستاذ أنت يا أستاذ
اتلفت بشوف مين بينادي “بتنادي ليا حضرتك”
الشخص: “مرات حضراتك وقعت وبتنادي عليك”
أنا أستغربت وابن خالي أستغرب ازي ده انا أصلا مش خاطب ولا مجوز رديت علي الشخص: مراتي انا ازي
لقيت ابن خالي قالو: “هي فين”
بصتلوا بإستغراب لقيتوا بيقولي “تعالا بس نعرف في ايه”
رحنا كان ناس متجمعه لقيت واحده واقعه علي الارض بسي منكرش ان لبسها محترم وشكلها بالنقاب كان حاجه فوق الوصف بعدين استغفرت لقيتها بتقولي: ” انا تعبانه مش قادرة شيلني انت ”
استغربت من كلمها ازي عايزاني اشيلها وهي اصلا باين من لبسها انها محترمه ومينفعش حد يلمسها وانا ملمستش بنات قبل كده واول مرة اشوفها
لقيت راجل كبير بيقولي: ” يا أبني شيل مراتك تعبانه مش راضيا حد يشيلها الا أنت ”
استغربت فعلا وقلقت لقيت ابن خالي بيقولي:” تعالا نوديها المستشفي شكلها تعابنه خالص ”
شيلتها وكانت خلاص فقدة الوعي كانت المستشفي بعيدة فأخدتها علي بيتي منا دكتور ولسه متخرج نسيت اعرفكم
(أنا زين محمد سني 26 سنة لسه متخرج من كلية الطب البشري بعد معاناة بقا وسهر ليالي والكتب بتقولنا بالاخضان يا بلدنا الحلوة بالاحضان انا اصغر واحد عندي اخويا حبيبي احمد متجوز وعندو ولد وبنت وعندي اختين اسماء وايمان اسماء متجوزة وعندها بنتين وولد وايمان لسه متجوزة قريب والي كان معايا ابن خالي وهو اكبر مني انا مشهور علشان بلخص محاضرات وببتوزع في المحافظات وكمان انا ملتحي وعارف عن ديني كويس وخاتم القراءن وامام في الجامع +
نرجع تاني كنت بعيد عن المستشفي فاخدتها في البيت وبعد ما وصلت وامي شافتتني بالمنظر ده
امي:” ايه الي انت مهببه ده جايب ليا بنات في البيت ”
انا: ” هفهمك يا أمي بسي افتحي اوضتي ”

فتحت الاوضه ونيمتها علي السرير كشفت عليها لقيتها سخنه اوي رحت جبت ليها محاليل وعلقتها ليها والكمادات سبتها علي ماما علشان مينفعش اشوف وشوها هي منتقبة خرجت قبلت امي
امي: تقدرو تفهموني انتو بقا
فارس ابن خالي رد: بصي يا عمتو والله بنقول الصراحه بسي اوعي تفهمي صح وقص ليها ما حدث
لقيت امي بتقولي: ” مراتك هي قالت انها مراتك ازي انت اتجوزت يا ولا من ورايا”

رديت عليها ” ازي وانا اصلا كأني في سجن 7 سنين الكلية شغلاني وتقوليلي اتجوز ”
لقيت ابويا جه وما ادراكم ما ابويا
ابويا الحج محمد: في ايه صوتكم واصل لاخر الشارع

امي بقا ردت بسرعه ” البيه جايب ليا واحده وبيقول انهت بتقول مراتوا ”
لقيت الحاج بيبص بصات غريبة كده ايه يا حاج انت فهمت ايه رديت ” والله هي الي بتقول انا اصلا اول مرة اشوفها ”
رد ابويا “انا واثق فيك يا ابني بسي هي فين”
رديت قولت ” كشفت عليها وعندها سخنية عالية اوي علقتلها محاليل والكمادت علي ماما بقا يا ست الكل علشان هي منتقبة ”

رد ابويا: خلاص لما تفوق نعرف ايه الحكاية وكان هيكمل ابن اخويا الواد عبدالرحمن انقذني
عبد الرحمن : ” عمو عمو حبييي يا ناس فين الشيكولاته لو نسيتها هزعل منك”
رديت: هو انا اقدر يا باشا الشكولاتة اهي

خدها وحضني وبعدين قعدنا وامي هي الي بتدخل علشان تشوفها وتعملها الكمادات ومرات اخويا نزلت وكانت واقفه مع امي عدي اليوم عادي ما بين الصلاة وقراءت قراءن وقعدة حلوة كده مع العائلة وامي راحت نامت معاها وانا نمت في اوضة اختي ايمان
صحيت الفجر صحيت امي وابويا هلشان يصلوا ونزلت الجامع انا واخويا وابويا بعد ما رجعت امي ” يا ابني دي قاعدة بتهلوس بالكلام وتقول ابعد عني متقربليش وبتقول حاجات مش مفهومه ”
قولتها ” طيب هي السخنية نزلت شوية ”
ردت قالت: ” اه يا ابني ”
رديت قولتلها ” متخفيش كلها كام ساعه وهتفوق وهنعرف ايه الي حصل ”

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
بعدين دخلت نامت معاها وانا قاعده افكر مين دي وليه قالت انها مراتي وخالتني انا بالذات اني اشيلها ومحدش يقرب ليها غيري كل الاسئلة دي دارت في بالي لحد ما نمت قومت الصبح بقا علي صوت امي ” يا زين انت يا ولا قوم علشان تفتطر ” خرجت وصبحت عليهم وبعد شوية الفطار جهز وفطرنا بنت اخويا خديجه ” عمو هي مين القمر الي توا دي مراتك يا عموا ”

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .
ضحكت عليها بسي لما كانت بتقول مراتي حسيت بفرحه جوايا مع اني معرفش مين دي وهي بنت اخويا عندها حرف ال ج ت رديت ” متشغليش بالك يا حبيبت عموا ” لقيتها ردت ” عموا انتوا هتتيبوا بيبي وقتيه انا عايزا يتي بسرعه ” قصدهت هتجيبوا البيبي وقتيه عايزا يجي بسرعه رديت وانا مبسوط “ربنا يسهل” بعدين ماما ندهت عليا وقالت انها فاقت ولبست نقابها تعالا نشوف ايه الحكاية رحت وانا حاسس احساس ان حاجه كانت بتروح مني ورجعت تاني روحت اوضتي قولت السلام وردو قولتلها ” ينفع كده قلقتينا عليكي ” ردت وكان صوتها يخطف “انا اسفة” قولت ليها “بتتأسفي علي ايه”… يتبع
الجزء الثاني من هناااااااااااا

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

About admin

Check Also

واشنطن تفرض عقوبات على وزيرين إيرانيين بسبب العنف ضد المتظاهرين

وكالات: فرضت الولايات المتحدة، اليوم الخميس، عقوبات على وزيري الداخلية والاتصالات الإيرانيين، ضمن شخصيات أخرى، …

Leave a Reply

Your email address will not be published.